Një tjetër shtetas i Kosovës arrestohet nga Serbia

Një tjetër shtetas i Kosovës është arrestuar nga autoritetet serbe gjatë kalimit të kufirit mes Serbisë dhe Kroacisë.

Sipas njoftimit të avokatit Arianit Koci, bëhet fjalë për Dugagjin Maxhunin, nga Beci i Gjakovës.

Koci ka bërë të ditur përmes një njoftimi në Facebook se Maxhuni fillimisht është ndaluar për verifikim. Pas disa orësh, familja është njoftuar se ai është transferuar në Beograd dhe se procedurat ndaj tij po vazhdojnë.

“Për momentin ende nuk janë të qarta rrethanat dhe baza juridike e ndalimit. Jam duke i verifikuar informacionet dhe duke e përcjellë rastin.

Ndërkohë që politika jonë merret me fajësime e përplasje të pafundme, Serbia po vazhdon me arrestimin e qytetarëve tanë. E dikush duhet me u kujdesë edhe për qytetarin e Kosovës”, tha Koci.

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.