Paratë e Vuçiqit drejt Shkupit dhe Moskës? LSDM kërkon hetim për Alta Bankën!

LSDM ka ngritur dyshime për transferimin e shumave të mëdha financiare nga Alta Banka e Serbisë drejt Maqedonisë së Veriut dhe Rusisë.

Zëdhënësja Bogdanka Kuzeska, duke iu referuar raportimeve të mediave serbe, deklaroi se nga 26 tetori dyshohet se kanë nisur transferta intensive drejt kompanive me seli në Shkup dhe Moskë.

Partia opozitare akuzon kryeministrin Hristijan Mickoski dhe guvernatorin Trajko Sllaveski se kanë mundësuar zgjerimin e Alta Bankës në vend, pavarësisht dyshimeve për origjinën e kapitalit dhe lidhjeve të pretenduara të pronarit Davor Macura me presidentin serb Aleksandar Vuçiq.

LSDM kërkon hetim urgjent nga Prokuroria Publike dhe transparencë nga Banka Popullore për këto transaksione të dyshuara.

Pretendimet nuk janë konfirmuar zyrtarisht.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.