Pas defektit në “Nova Makedonija”, punonjësit kalojnë përkohësisht në punë nga shtëpia

Qeveria ka rekomanduar që punonjësit e tetë institucioneve shtetërore të vendosura në ndërtesën “Nova Makedonija” përkohësisht të punojnë nga shtëpia, pas një defekti teknik në objekt.

Shkak është depërtimi i ujit në një pjesë të instalimeve elektrike, ndërsa para rikthimit të punës në objekt duhet të kryhen kontrollet e nevojshme teknike dhe të sigurisë.

Sipas Qeverisë, masa është parandaluese dhe synon mbrojtjen e punonjësve, ndërsa shërbimet përgjegjëse po punojnë për sanimin e dëmeve dhe rikthimin e kushteve normale të punës.

Institucionet do të riorganizojnë përkohësisht punën, pa praninë fizike të stafit në ndërtesë.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.