Përleshen me grushta babai dhe i biri, policia i arreston të dy

Sipas raportimeve fillestare, djali u përpoq ta sulmonte të atin duke përdorur një mjet të mprehtë, dhe babai iu përgjigj sulmit me një dru duke e plagosur të birin.

Zyrtarët policor nga Departamenti i Punëve të Brendshme të Negotinës mbrëmë privuan nga liria dy banorë të një fshati në Negotinë, një baba (50) dhe djalin e tij (28), pas një përleshjeje fizike në oborrin e familjes së tyre.

Sipas informacioneve nga Departamenti i Punëve të Brendshme të Velesit, incidenti ndodhi rreth orës 23:00. Incidenti u raportua në polici dhe sipas informacioneve fillestare, djali u përpoq të sulmonte babanë e tij duke përdorur një objekt të mprehtë, ndërsa babai iu përgjigj sulmit me një objekt druri, duke i shkaktuar lëndime djalit të tij.

I lënduari 28-vjeçar është transportuar në Spitalin e Përgjithshëm në Kavadar, ku iu diagnostikuan lëndime trupore.

Policia ka kryer inspektimin e vendit të ngjarjes dhe sendet e përdorura në sulm janë gjetur dhe konfiskuar. Babai dhe djali po mbahen në stacionin policor për procedura të mëtejshme.

“Prokurori publik dhe Qendra për Punë Sociale në Negotinë janë njoftuar për rastin. Pas dokumentimit të plotë të ngjarjes, do të paraqiten raporte përkatëse”, njoftoi Shërbimi i Sigurisë Sociale të Velesit.