Qytetarët e Maqedonisë për 6 muaj harxhuan 530 milionë € për blerjet online

Tregtia elektronike në Maqedoninë e Veriut po shënon rritje të vazhdueshme. Gjatë gjashtëmujorit të parë të vitit 2026, vlera e blerjeve online arriti në 530,3 milionë euro, ose 14,1% më shumë krahasuar me të njëjtën periudhë të vitit të kaluar.

Sipas të dhënave të Bankës Popullore, të analizuara nga Shoqata për Tregti Elektronike, 302,4 milionë euro janë shpenzuar në dyqanet vendase, ndërsa 227,9 milionë euro në platformat e huaja.

Nga janari deri në qershor janë realizuar 15,3 milionë transaksione online, me rritje prej 10,1%.

Rritje kanë shënuar edhe blerjet e konsumatorëve të huaj në dyqanet elektronike të Maqedonisë, me mbi 904 mijë transaksione, ose 26,7% më shumë se një vit më parë.

Vlera mesatare e një blerjeje online ishte rreth 34,6 euro.

Burimi i lajmit: ina-online.net
Shënim: Ky material është përpunuar për qëllime informimi nga Portali lajme.mk.