Reshje bore dhe temperatura deri -10°C priten javën e ardhshme

Qendra Kombëtare Meteorologjike (QKM) njofton se një valë e re e motit të ftohtë dhe reshjeve të borës pritet drejt mesit të javës së ardhshme.

E hëna do të sjellë mëngjese të ftohta, ndërsa gjatë ditës do të mbizotërojë mot me diell, me vranësira mesatare dhe erë të lehtë verilindore.

Ndryshimi kryesor i motit pritet të martën:

“Të martën, vonë gjatë ditës, natës dhe të mërkurën, priten reshje të herëpashershme, kryesisht borë.”

Gjatë kësaj periudhe, temperaturat do të variojnë nga një minimum prej -10°C deri në një maksimum prej 7°C të martën, ndërsa të mërkurën maksimumi ditor do të arrijë 6°C.

Stabilizim i motit pritet nga e enjtja, por në lugina mund të ketë mjegull. Temperaturat gradualisht do të rriten, me maksimume ditore deri në 10°C të shtunën.

Banorët këshillohen të jenë të kujdesshëm gjatë lëvizjes në rrugë dhe të përgatiten për reshje bore të herëpashershme.

Flaka

The post Reshje bore dhe temperatura deri -10°C priten javën e ardhshme appeared first on Flaka, në çdo lajm... .