“Safe City” zgjeron kontrollin: Kamerat do të jenë edhe në automjetet e policisë, shoferët nën vëzhgim edhe në lëvizje!

Sistemi “Qyteti i Sigurt” (Safe City) do të zgjerohet me kamera mobile, të cilat do të vendosen në automjete policore të pajisura posaçërisht për regjistrimin e shkeljeve në komunikacion.

Ministri i Punëve të Brendshme, Pançe Toshkovski, paralajmëroi se krahas kamerave fikse në rrugë, policia do të përdorë edhe kamera lëvizëse për të kontrolluar lokacionet që aktualisht nuk mbulohen nga sistemi.

Sipas tij, shumë shoferë tashmë i njohin vendndodhjet e kamerave fikse, ndaj po shqyrtohen forma të reja për mbikëqyrje më efikase.

Sistemi “Safe City” mundëson regjistrimin automatik të shkeljeve, përfshirë tejkalimin e shpejtësisë, kalimin në semafor të kuq dhe drejtimin e automjeteve të paregjistruara.

Nga MPB paralajmërojnë se kamerat mobile do të përfshihen gradualisht në sistem, me qëllim rritjen e disiplinës së shoferëve, uljen e numrit të shkeljeve dhe përmirësimin e sigurisë në komunikacion.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.