Sulmi rus vret 21 persona, Ukraina thotë se ka nevojë për më shumë interceptorë raketash

Rusia ka sulmuar Ukrainën me raketa balistike dhe dronë, duke vrarë të paktën 21 persona, ndërsa Presidenti i Ukrainës, Volodymyr Zelensky, tha se raketat interceptuese “mund të kishin shpëtuar jetë”.

Kievi dhe rajoni përreth përjetuan sulmet më vdekjeprurëse që kishin parë këtë vit gjatë natës, me 17 persona të raportuar të vdekur, shkruan BBC,

Sulmet në Kharkiv dhe Donetsk vranë gjithashtu një dhe tre persona përkatësisht.

Ukraina e cila vazhdimisht u ka kërkuar aleatëve të përdorin më shumë raketa interceptuese Patriot të prodhuara në SHBA për t’u mbrojtur nga balistikat ruse, nuk ka raportuar të ketë interceptuar asnjë nga raketat në sulmin e natës.

Zelensky shtoi se vonesat në marrjen e sistemeve antibalistike nga partnerët çojnë në “viktima dhe shkatërrime të tmerrshme”.

Presidenti më vonë tha se furnizimi me interceptorë nga aleatët ishte “reduktuar ndjeshëm” këtë vit.