Tragjedi në autostradë: Gjendet i vdekur një burrë, shoferi që e goditi u arratis

Një burrë, ende i paidentifikuar, është gjetur i pajetë pranë autostradës, pasi dyshohet se është goditur nga një automjet që më pas është larguar nga vendi i ngjarjes.

Sipas informacioneve fillestare, viktima ka ndërruar jetë në vend nga goditjet e marra. Policia ka kryer këqyrjen e vendit të ngjarjes, ndërsa po punohet për zbardhjen e rrethanave, identifikimin e viktimës dhe gjetjen e automjetit dhe drejtuesit që u largua.

Për rastin ka folur edhe ministri i Punëve të Brendshme, Pançe Toshkovski, gjatë paraqitjes së tij në podcastin “Na kavga so Ivan” në televizionin Kanal 5.

“Sot kemi një rast të tillë. Një person është përplasur, është gjetur në autostradë dhe ka ndërruar jetë në vend”, deklaroi Toshkovski.

Policia po ndërmerr masa për gjetjen e drejtuesit dhe automjetit të përfshirë në aksident.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.