Tronditëse në Kumanovë: 57-vjeçari gjendet i pajetë në veturën e tij

Një 57-vjeçar nga Kumanova është gjetur i pajetë brenda një automjeti në parkingun e Spitalit të Përgjithshëm të Kumanovës.

Rasti është raportuar të premten në mbrëmje, rreth orës 19:46, në SPB Kumanovë nga vetë spitali.

Sipas policisë, në automjetin me targa të Kumanovës është gjetur trupi i pajetë i B.V., 57 vjeç, nga Kumanova.

Në vendngjarje ka kryer ekspertizë një ekip i SPB Kumanovë.

Me urdhër të prokurorit publik, trupi është dërguar për obduksion, i cili pritet të përcaktojë shkakun e vdekjes dhe rrethanat e ngjarjes.

Policia deri tani nuk ka dhënë detaje të tjera, ndërsa hetimi vijon për zbardhjen e plotë të rastit.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.