VLEN pas humbjes në Bërvenicë: Votat nuk janë pronë e partive politike

Koalicioni VLEN ka reaguar pas përfundimit të zgjedhjeve në Bërvenicë, duke theksuar se votat u përkasin qytetarëve dhe asnjë parti nuk mund të pretendojë pronësinë mbi to.

Nga VLEN vlerësojnë se procesi zgjedhor u zhvillua në mënyrë të lirë dhe demokratike, pa incidente dhe shkelje të rregullave.

Megjithatë, koalicioni kritikoi mobilizimin për votim etnik, duke përmendur bashkëpunimin me LSDM-në dhe Levicën. Sipas VLEN-it, një qasje e tillë rrezikon të thellojë ndarjet etnike dhe të pengojë ndërtimin e një modeli qytetar e gjithëpërfshirës.

Në fund, VLEN falënderoi qytetarët që morën pjesë në procesin zgjedhor dhe ushtruan të drejtën e tyre të votës.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.