Vranësira dhe stuhi pasdite, temperaturat deri në 35°C

Moti sot në vend do të jetë kryesisht me diell dhe i ngrohtë, por gjatë pasdites pritet përkeqësim lokal i kushteve atmosferike.

Në disa zona mund të ketë shi të rrëmbyeshëm, bubullima dhe erë të fortë, ndërsa lokalisht janë të mundshme edhe stuhi me breshër.

Temperaturat minimale do të lëvizin nga 8 deri në 16°C, ndërsa maksimalet do të arrijnë 29 deri në 35°C.

Në Shkup pritet mot me diell dhe temperatura deri në 35°C, ndërsa pasdite në disa pjesë të fushëgropës mund të ketë shi të rrëmbyeshëm, bubullima dhe erë të përforcuar.

Edhe nesër dhe të enjten pasdite priten zhvillime të paqëndrueshme, me reshje intensive, bubullima dhe erë të fortë. Deri në fund të javës, paqëndrueshmëria lokale do të vazhdojë në disa zona.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.