Ylli i Milanit drejt Bundesligës… por kush është pas kësaj lëvizjeje?

Christopher Nkunku është shumë pranë largimit nga AC Milan dhe rikthimit te RB Leipzig. Sipas gazetarit të njohur Fabrizio Romano, klubet kanë arritur një marrëveshje verbale për transferimin e sulmuesit francez.

Marrëveshja parashikon një huazim me pagesë prej 3.5 milionë eurosh, ndërsa RB Leipzig do të ketë edhe një opsion blerjeje për pak më pak se 30 milionë euro në fund të sezonit.

Nkunku ishte një nga lojtarët që trajneri Ruben Amorim vendosi të mos përfshinte në planet e skuadrës, duke i hapur rrugën largimit të tij në kërkim të më shumë minutave në fushë. Në ditët e fundit, Leipzig dhe Newcastle ishin dy klubet më aktive në garën për shërbimet e tij, përcjell ORAinfo.

Rikthimi te Leipzig shihet si një zgjedhje e natyrshme për Nkunkun, pasi ishte pikërisht te klubi gjerman ku francezi u afirmua në nivelet më të larta të futbollit evropian.

Sipas Romano, paga e Nkunkut për këtë sezon do të mbulohet nga Leipzig. Transferimi pritet të bëhet zyrtar së shpejti, nëse lojtari kalon me sukses testet mjekësore.

Për Milanin, marrëveshja me opsion blerjeje nuk është skenari ideal, pasi klubi italian do të preferonte një detyrim blerjeje. Megjithatë, palët duket se kanë gjetur një zgjidhje që i hap rrugën largimit të francezit nga San Siro. /ORAinfo/

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.