Agim Aliu: Mesditë e veçantë me Bujar Osmanin për bashkëpunime të ardhshme në Ferizaj

Kandidati për kryetar të Ferizajt, Agim Aliu, ka zhvilluar një mesditë të veçantë në sheshin e qytetit me mikun e tij, ish-ministrin e Punëve të Jashtme të Maqedonisë së Veriut, kryediplomatin Bujar Osmani.

“Mesditë e veçantë e shëtitje në sheshin e qytetit me mikun tim, ish-ministrin e Punëve të Jashtme të Maqedonisë së Veriut, kryediplomatin Bujar Osmani, për bashkëpunimet tona të së ardhmes”, ka thënë Aliu, duke nënvizuar rëndësinë e bashkëpunimeve për zhvillimin e Ferizajt.

Ai ka theksuar se angazhimi i tij synon të sjellë ndryshime konkrete dhe projekte që do të ndikojnë pozitivisht në jetën e qytetarëve, duke përfshirë përmirësimin e shërbimeve lokale dhe forcimin e lidhjeve ndërkombëtare për komunitetin.