Alketa Vejsiu shkëlqen me një kostum unik plot glamur

Mbrëmja e fundit e “X Factor Albania” u shoqërua me spektakël, energji dhe elegancë, por një nga momentet më të spikatura ishte padyshim paraqitja e Alketa Vejsiut.

Moderatorja dhe producentja e njohur u shfaq mahnitëse me një kostum të shndritshëm në ngjyrë argjendi, i cili theksonte hijeshinë dhe stilin e saj unik.

Me një stil gjithmonë elegant dhe të kuruar në detaje, Alketa zgjodhi një kostum me xixa, të kombinuar me një bluzë të zezë dhe aksesorë minimalë, duke krijuar një look të sofistikuar dhe modern. Flokët e mbledhura në një topuz të lartë dhe grimi i kuruar e bënin akoma më tërheqëse paraqitjen e saj skenike, shkruan “Kosovarja”.

Ndriçimi dhe sfondi futuristik i skenës e bënë pamjen e saj edhe më të veçantë, duke reflektuar dritën dhe duke i dhënë një shkëlqim të veçantë veshjes. Ky look i Alketa Vejsiut është një tjetër dëshmi e aftësisë së saj për të qenë gjithmonë në qendër të vëmendjes me zgjedhje elegante dhe të guximshme.

Si gjithmonë, Alketa di si të impresionojë publikun, jo vetëm me prezantimin e saj të shkëlqyer, por edhe me stilin e saj të rafinuar!