Apel urgjent për ndihmë: Zenun Hysa në gjendje të rëndë shëndetësore, kërkohet solidariteti i qytetarëve

Një apel prekës për ndihmë është shpërndarë në rrjetet sociale për Zenun Hysën, i cili po përballet prej vitesh me një gjendje të rëndë shëndetësore, konkretisht me epilepsi.

Sipas njoftimit, gjendja e tij kërkon trajtim të vazhdueshëm dhe mbështetje financiare, ndërsa familja e tij nuk po arrin ta përballojë e vetme këtë sfidë të vështirë.

Për këtë arsye, është bërë thirrje publike që të gjithë ata që kanë mundësi të kontribuojnë, qoftë edhe me shuma simbolike.

“Çdo kontribut, sado i vogël, mund të bëjë dallim të madh”, thuhet në apelin e publikuar, duke ftuar qytetarët të tregojnë humanizëm dhe solidaritet në këtë moment të vështirë.

Të gjithë ata që dëshirojnë të ndihmojnë mund të kontaktojnë në numrin: 045 959 179, apo të kontribuojnë përmes llogarisë bankare në emër të Zenun Hysës në Raiffeisen Bank.

Apeli gjithashtu bën thirrje që mesazhi të shpërndahet sa më shumë, në mënyrë që ndihma të arrijë tek ai sa më shpejt.

“Le të tregojmë humanizëm dhe solidaritet!” – është mesazhi kryesor që shoqëron këtë thirrje urgjente.