Arsovska nuk mendon të kandidojë për mandat të dytë: Nuk dua të punojë me njerëz që sabotojnë dhe bllokojnë
Kryetarja aktuale e Shkupit, Danella Arsovska, nuk po mendon të kandidojë dhe të kërkojë për herë të dytë besimin e banorëve të Shkupit për të mbetur në krye të kryeqytetit. Arsovska sot në një deklaratë për media tha se nuk dëshiron më të punojë me njerëz për të cilët tha se dinë vetëm të sabotojnë […]
Kryetarja aktuale e Shkupit, Danella Arsovska, nuk po mendon të kandidojë dhe të kërkojë për herë të dytë besimin e banorëve të Shkupit për të mbetur në krye të kryeqytetit. Arsovska sot në një deklaratë për media tha se nuk dëshiron më të punojë me njerëz për të cilët tha se dinë vetëm të sabotojnë dhe bllokojnë, transmeton Portalb.mk.
Sipas Arsovskës, ajo që po ndodh në qytetin e Shkupit dhe në Maqedoni është “një atmosferë jashtëzakonisht e polarizuar nga elitat politike që aktualisht veprojnë në kuadër të shtetit”.
Arsovska thotë se ato elita politike nuk meritojnë njerëz që mundohen të kontribuojnë në atë që duhet dhe mund të jetë më mirë për Maqedoninë nëse punojnë këtu.
“Do të doja t’ju dëshiroja që një herë të paktën të dëshmojnë dhe t’u tregojnë së pari qytetarëve se do të mund ta zbatojnë atë që thonë në mënyrë që në zgjedhjet e ardhshme të kenë mbështetjen e tyre në kuadër të asaj që kemi parë deri tani, ndërsa nuk besoj se dikush do të mendojë se është kështu. Kur kam kandiduar për kryetare, kam pasur mbështetjen e VMRO-DPMNE-së, e cila fatkeqësisht nuk arriti ta kapërcejë veten, gjegjësisht lidershipin e saj”, tha Arsovska në dorëzimin e sotëm të gjashtë autobusëve të rinj me gazit natyror të kompresuar miqësorë me mjedisin për flotën e NTP “Shkup”.
Në pyetjet e gazetarëve nëse ngjarjet e fundit rreth NTP“Shkupi”, kur qeveria mori vendim për t’i dhënë naftë në mënyrë që autobusët të qarkullojnë edhe për shtatë ditë, në një farë mënyre filloi fushata për zgjedhjet lokale, Arsovska tha se nuk dëshiron të përzihet në agjendat politike dhe prapavijat e gjithë kësaj.
“Unë nuk do të hyj në agjendat politike dhe prapavijat e asaj që po ndodh, mund të them vetëm se besoj se qytetarët janë mjaft të zgjuar dhe do të mund të vlerësojnë se kush ka mundur ta zgjidhë këtë problem në tre vitet e fundit. Nëse dikush thotë se vitin e ardhshëm, pas zgjedhjeve lokale, do ta zgjidhin këtë problem, pyesni pse nuk e kanë zgjidhur akoma. Këshilli është ai që ka mundur ta marrë këtë vendim para tre-dy vitesh dhe pse nuk po e merr, duhet t’i bëni pyetje”, tha Arsovska.
Ajo shton se prokurimi do të ishte realizuar deri më tani nëse qyteti do të mund të bënte një prokurim publik dhe të funksiononte aktivisht pa Këshillin.
“Problemi më i madh është se ajo që u kam ofruar këshilltarëve, që prokurimi të bëhet publikisht dhe transparent, brenda të gjitha grupeve politike të këshillit, të zgjedhin specifikacionin e automjetit dhe cila bankë do ta financojë, që do të thotë se nuk do të jetë e mundur që të negociehoet ballë për ballë për të blerë 100 autobusët. Duhet të pyesni veten pse po shpallet tani kur i njëjti zotëri, po ata njerëz, mund ta kishin bërë pikërisht para tre vjetësh”, shtoi Arsovska.
Keqkuptimet mes Arsovskës dhe VMRO-DPMNE-së filluan në vitin 2022 kur kryetarja shkarkoi drejtorin e atëhershëm të ndërmarrjes publike “Ujësjellësi dhe kanalizim”, ndërsa tani ministër i Vetëqeverisjes Lokale, Zlatko Perinski. Arsovska më pas e akuzoi Perinskin për sjellje të papërshtatshme në procedurën e tenderit. Pas kësaj, pasuan një sërë shkarkimesh të tjera nga postet e drejtorëve në ndërmarrjet publike dhe pas tensioneve në rritje mes Arsovskës dhe VMRO-DPMNE-së, ndodhi ndarja përfundimtare mes tyre.
Kujtojmë se së fundmi transporti publik në kryeqytet ka qenë në kolaps. Problemi kulmoi me 20 nëntor pasi, për shkak të mungesës së naftës, shumica e autobusëve të NTP-së mbetën të parkuar në bazat e tyre. Janë vënë në qarkullim 25 autobusë me gaz natyror dhe disa të tjerë që kanë rezervë nafte.
Kryeministri Hristijan Mickoski paralajmëroi nga Beogradi mundësinë e blerjes së autobusëve të rinj elektrikë për tejkalimin e këtij problemi të vazhdueshëm.
Prej se Arsovska është kryetare, transporti publik në Shkup është kolaps dhe nuk funksionon. Nuk ka autobusë të rregullt, duhet të presësh një orë në stacione, dhe kur vjen autobusi është plot me pasagjerë.
Danela Arsovska u bë kryetare e Shkupit si kandidate e VMRO-DPMNE-së me premtimin për transport falas për të gjithë qytetarët dhe blerjen e 250 autobusëve të rinj ekologjikë.
