Demhasaj akuzon për shtrenjtimin e rrymës: Qytetarët po paguajnë, përfituesit mbesin të njëjtët

Kandidati për deputet nga Aleanca për Ardhmërinë e Kosovës (AAK), Arton Demhasaj, ka reaguar lidhur me çështjen e energjisë elektrike, duke publikuar licencën e dhënë nga Zyra e Rregullatorit për Energji (ZRRE) për kompaninë EFT të Vuk Hamoviçit.

Demhasaj theksoi se pjesa tjetër e kësaj çështjeje është tashmë e njohur për opinionin publik, ndërsa qytetarët po përballen me rritje të vazhdueshme të faturave të rrymës. Sipas tij, çmimi i energjisë elektrike është shtrenjtuar të paktën tri herë, ndërkohë që po përgatitet edhe një rritje tjetër.

“Qytetarët po paguajnë gjithnjë e më shumë, ndërsa përfituesit mbesin të njëjtët,” ka deklaruar Demhasaj, duke kërkuar më shumë transparencë dhe përgjegjësi institucionale në sektorin e energjisë.