Drenasi merr vendim, mësimi pezullohet deri më 14 janar

Nisja e gjysmëvjetorit të dytë në shkollat e Drenasit është shtyrë deri më 14 janar.

Vendimi është marrë nga kryetari i kësaj komune, Ramiz Lladrovci.

“Për shkak të rrethanave të krijuara nga vërshimet, bora, ngricat dhe mungesa e ujit të pijes në disa pjesë të komunës, Kryetari i Komunës së Drenasit ka marrë vendim që të pezullohet vijimi i mësimit në të gjitha nivelet e arsimit parashkollor dhe shkollor”, thuhet në njoftim.