Filkov: Kushtetuta dhe ligjet nuk interpretohen për nevoja politike

Shkup, 9 shkurt – Ministri i Drejtësisë, Igor Filkov, ka reaguar lidhur me deklaratat e zëvendëskryeministrit Bekim Salji për polagjen e provimit të drejtësisë në gjuhën shqipe.

Filkov thekson se respektimi i Kushtetutës dhe ligjeve është i pakompromis, dhe nuk mund të interpretohen sipas nevojave politike të momentit. Ai thekson se polagja e provimit të drejtësisë është e ndërlidhur ngushtë me njohjen aktive të gjuhës maqedonase, pasi të gjitha procedurat, vendimet dhe aktet zyrtare në sistemin gjyqësor bëhen kryesisht në gjuhën maqedonase dhe me alfabetin cirilik.

Ministri sqaron se Ligji për përdorimin e gjuhëve lejon përdorimin e gjuhës shqipe në institucionet shtetërore, por kjo nuk mund të jetë në kundërshtim me ligjet e tjera që rregullojnë funksionimin e sistemit gjyqësor. Ai shton se pavarësisht rekomandimeve të Komisionit të Venecias dhe iniciativave të ndryshme në Gjykatën Kushtetuese, respektimi i Kushtetutës dhe ligjeve mbetet prioritet.

Filkov përfundon duke u drejtuar drejtpërdrejt zëvendëskryeministrit: “Kushtetuta nuk është temë për emisione televizive apo vegël për narrativa politike. Ata që mbajnë funksione në shtetin ligjor duhet të respektojnë Kushtetutën dhe ligjet. Çdo tjetër është presion, dhe ai nuk do të kalojë.”