Haradinaj uron ambasadorin japonez për Ditën Kombëtare: Japonia, partner i fuqishëm

Kryetari i Aleancë për Ardhmërinë e Kosovës, Ramush Haradinaj ka marrë pjesë në ngjarjen e organizuar nga Ambasada e Japonisë në Kosovë, në shënimin e Ditës Kombëtare.

Haradinaj ka bërë të ditur se me këtë rast, ambasadorit Iwama Kiminori, i ka shprehur urimet më të përzemërta për këtë festë.

“Japonia si shtet mik, ka dëshmuar gjithmonë partneritet të fuqishëm në shtetbërjen e vendit tonë dhe në forcimin e subjektivitetit të saj ndërkombëtar. Uroj që marrëdhëniet tona të thellohen edhe më tej në të ardhmen, duke fuqizuar bashkëpunimin dhe miqësinë midis dy vendeve”, shkroi Haradinaj.