Irani synon ta rikthejë shumicën e kapacitetit të rafinimit të naftës brenda dy muajve

Irani pret të rikthejë shumicën e objekteve të dëmtuara të rafinimit dhe shpërndarjes në 70–80% të kapacitetit të tyre para sulmeve brenda një deri në dy muajve, tha një zyrtar i lartë i naftës, ndërsa autoritetet punojnë për t’u rimëkëmbur nga një valë sulmesh ndaj infrastrukturës energjetike, shkruan Reuters.

Zëvendësministri i Naftës Mohammad Sadeq Azimifar i tha Student News Network se punimet e riparimit kishin filluar dhe se një pjesë e rafinerisë Lavan pritet të rifillojë operacionet brenda rreth 10 ditësh, ndërsa njësi të tjera do të rikthehen në funksion gradualisht.