Izraeli ekzekutoi shefin e inteligjencës së Gardës Revolucionare: Do ndjekim udhëheqësit e Iranit një nga një

Izraeli njoftoi se ka vrarë shefin e inteligjencës së Gardës Revolucionare, sipas deklaratës së Israel Katz, ministrit të Mbrojtjes.

“Kjo Gardë Revolucionare po qëllon civilët dhe ne po eliminojmë udhëheqësit e terroristëve”, tha Katz, duke shtuar se udhëheqësit iranianë jetojnë me ndjenjën se janë në shënjestër dhe se Izraeli do t’i ndjekë “një nga një”.

Ai gjithashtu njoftoi se sulmet izraelite kanë dëmtuar rëndë industritë e çelikut dhe petrokimisë në Iran.

“Kemi për qëllim të shkatërrojmë infrastrukturën kombëtare iraniane dhe të dobësojmë regjimin terrorist, si dhe kapacitetet e tij për të nxitur terror dhe për të sulmuar shtetin e Izraelit”, deklaroi Katz.

The post Izraeli ekzekutoi shefin e inteligjencës së Gardës Revolucionare: Do ndjekim udhëheqësit e Iranit një nga një appeared first on InfoShqip.com.