Janari i Rita Orës në plazhet ekzotike të Australisë, 34 vjeçarja shfaq trupin e tonifikuar në bikini gjatë një shëtitje me burrin e saj në plazh

Rita Ora dhe bashkëshorti i saj, regjisori Taika Waititi, ishin plot buzëqeshje teksa shijonin diellin në Ditën e Australisë me miqtë e tyre në një plazh në Gold Coast të dielën.

Çifti dukeshin pa ndonjë shqetësim, duke përqafuar stilin e jetës së qetë australiane ndërsa shijonin motin e ngrohtë dhe bregun me rërë, shkruan DailyMail.

Ylli shqiptar-britanik i muzikës pop, 34 vjeçe, tërhoqi vëmendjen me një veshje tërheqëse dhe lozonjare.

Rita mbante veshur një palë bikini me ngjyra të ndezura, të frymëzuar nga moda retro, të zbukuruara me pika të mëdha të verdha, të cilat u përshtatën perfekt me pantallona ngjyrë blu dhe të bardha me shirita.

Aksesoret e saj i shtuan edhe më shumë shkëlqim dukjes, përfshirë syze dielli të mëdha me kuadrate të verdha dhe një kapelë me shirita, duke mbajtur pamjen e saj të plazhit argëtuese dhe funksionale.

Ajo mbante një çantë kaktus të thurur dhe të zbukuruar me detaje argëtuese, së bashku me një çantë të vogël me bel nga marka ‘Gucci’ të mbështetur në bel.

Flokët e saj ishin stiluar në fije të lagura, dhe makijazhi minimal theksonte dritën natyrale të lëkurës së saj.

Tatuazhet e Ritës ishin plotësisht të dukshme ndërsa ecte pa këpucë mbi rërë, duke mbajtur një këmishë të lehtë të gjelbër dhe të bardhë me shirita për kohën kur era e freskët filloi të frynte.

Taika, 49 vjeç, dukej po ashtu shumë i relaksuar, duke përqafuar kulturën e plazhit australian me një bluzë ngjyrë rozë të lehtë, pantallona të shkurtra ngjyrë portokalli dhe një kapelë të verdhë.

Me syze dielli dhe një mjekër gri, regjisori mbante peshqirë dhe dukej se po shijonte një ditë të qetë me gruan e tij të famshme.

Pas kalimit të kohës me miqtë pranë ujit, çifti u pa duke ecur përgjatë bregut, duke shijuar mjedisin paqësor.

Lidhja e natyrshme e Ritës dhe Taikas ishte e dukshme teksa ecnin krah për krah, duke u kthyer në hotelin e tyre të afërt.

Çifti, që u martuan vitin e kaluar në një ceremoni intime, kanë kaluar më shumë kohë në Australi, me Taikën që po punon aktualisht në disa projekte.

Pavarësisht se u zëvendësua si paneliste në emisionin “The Masked Singer” të ITV-së nga Maya Jama, dhe karriera e saj muzikore dukej e qetë, Rita ende po arrin suksese të mëdha në aspektin financiar.

Richard Eden i DailyMail tha këtë javë se ajo fitoi pesë milionë funte (5.9 milionë euro) vitin e kaluar, duke përfituar nga shitjet e muzikës, punët televizive dhe aktoriale dhe fitimi nga një investim në pasuri.

Llogaritë e regjistruara rishtazi për tri kompanitë e saj me emrat ‘Rora Properties’, ‘Ora Multi-services’ dhe ‘Ora Live’, tregojnë se ajo kishte asete totale prej 27 milionë funte (32.1 milionë euro) në vitin deri në prillin e kaluar, para faturave.

Rita ka lënë të kuptohet se ka lënë rolin e saj si paneliste në spektaklin “The Masked Singer” për të bërë muzikë të re.