JASHARI SHPËRTHEN ME ZVICRËN! 90 minuta dhe një sinjal i fortë për Milanin

Ardon Jashari po e mbyll në mënyrën më të mirë pushimin ndërkombëtar, teksa mesfushori shqiptar luajti titullar dhe qëndroi në fushë për 90 minuta në fitoren e Zvicrës ndaj Sllovenisë me rezultatin 2-1.

Për Jasharin ishte ndeshja e tretë radhazi si titullar gjatë kësaj pauze ndërkombëtare, një tregues i rëndësishëm për formën dhe besimin që ai ka fituar te përfaqësuesja zvicerane.

Mungesa e përkohshme e Granit Xhakës i ka hapur hapësirë ish-lojtarit të Club Brugge, i cili u aktivizua në mesfushë në një dyshe me Freuler, përcjlell ORAinfo.

Statistika që flasin për një paraqitje pozitive

Jashari ishte shumë aktiv gjatë gjithë ndeshjes. Ai regjistroi 91 prekje të topit, ndërsa kompletoi 75 nga 84 pasime, me një saktësi prej 89%.

Mesfushori realizoi gjithashtu 3 nga 5 pasime të gjata, pati një goditje në kuadrat, 33 bartje të topit dhe 5 rikuperime. Ai fitoi edhe duelin e tij të vetëm ajror.

Këto statistika tregojnë një paraqitje të sigurt dhe me shumë përfshirje në lojën e Zvicrës.

Një lajm i mirë edhe për Milanin

Paraqitjet e Jasharit me kombëtaren janë një sinjal pozitiv edhe për Ruben Amorimin dhe Milanin.

Që prej transferimit nga Club Brugge te kuqezinjtë verën e kaluar, 24-vjeçari nuk e ka pasur të lehtë të sigurojë minuta dhe startime të rregullta. Megjithatë, paraqitjet e tij me Zvicrën mund t’i japin një shtysë të rëndësishme për të fituar më shumë besimin e trajnerit portugez.

Amorim do të dëshironte që lojtarët e tij të rikthehen nga angazhimet ndërkombëtare me ritëm, vetëbesim dhe formë të mirë, dhe Jashari duket se po e bën pikërisht këtë.

Tani mbetet për t’u parë nëse paraqitjet pozitive me Zvicrën do t’i sigurojnë Jasharit një rol më të rëndësishëm edhe te Milani. /ORAinfo/

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.