Komisioni në Hagë po trajton 15 mostra, dyshohet se u përkasin të zhdukurve gjatë luftës në Kosovë

Laboratorët e Komisionit Ndërkombëtar për Persona të Zhdukur, që ndodhen në Hagë, i kanë në trajtim 15 mostra kockore që dyshohet se u përkasin personave të zhdukur gjatë luftës së viteve 1998-1999.

Shumica nga to janë dorëzuar sivjet nga Komisioni Qeveritar për Persona të Zhdukur, ndërsa një vitin e shkuar.

Në një përgjigje për mediat në Kosovë, komisioni bëri të ditur se gjatë 2025-tës janë pranuar dhe përpunuar 58 mostra post-mortem nga mbetje njerëzore dhe 172 mostra referuese të ADN-së të mbledhura nga anëtarët e familjeve të personave të zhdukur.