Marrëveshja e paqes mes Tajlandës dhe Kamboxhias, i pranishëm edhe Trump

Presidenti amerikan Donald Trump mori pjesë në nënshkrimin e një marrëveshjeje paqeje midis Kamboxhias dhe Tajlandës gjatë një samiti të vendeve të Azisë Juglindore në Malajzi të dielën.

Kryeministri kamboxhian Hun Manet dhe kryeministri tajlandez Anutin Charnvirakul, së bashku me Trump dhe kryeministrin malajzian Anwar Ibrahim, nënshkruan marrëveshjen, shkruan CNN.

Tensionet kufitare midis dy vendeve shpërthyen në një konflikt pesë-ditor në korrik që la dhjetëra civilë të vdekur dhe qindra mijëra njerëz të zhvendosur.

Trump ka marrë meritat për zgjidhjen e konfliktit. Një armëpushim fillestar i ndërmjetësuar në Malajzi u nënshkrua më 28 korrik, pasi presidenti amerikan zhvilloi telefonata me udhëheqësit e të dyja palëve dhe i paralajmëroi të dyja se nuk do të bënte marrëveshje tregtare me asnjërën nëse konflikti vazhdonte.