“Mos e prish gjumin”, Basha-Ramës: Nuk kam nga ato halle, që ty ta kanë vrarë gjumin

Një lajm fake që qarkulloi në media se Lulzim Basha ‘ndërroi jetë në një aksident’ është bërë ‘shtysë’ për replika mes tij dhe kryeministrit Edi Rama.

Ky i fundit, në një postim në Instagram, teksa ka ndarë reagimin e Bashës për këtë lajm, i shkruan me ironi “Mos e prish gjumin për kaq gjë, ty të marrin të keqen”. Ndërsa krahas postimit ka vendosur edhe një emoji me zemër të kuqe.

Por, nuk mungoi përgjigja e Bashës, i cili shkruan se për kryeministrin kush nuk vjedh, fle gjumë.

“E di, për ty, kush nuk vjedh, fle gjumë. Nuk kam nga ato halle, që ty ta kanë vrarë gjumin, me shokë e shoqe, që t’i zunë me mollë e dardhë, “pas shpine”, me çyrbet e kapura duke blerë vota krimi për ty, apo “mikun” tënd McGonigal, që sot është në burg, i paguar, për të sajuar poshtërsi ndaj meje”, shkruan Basha.