Në natën finale zbulohet Diellza e Gjestit – ja kush qenka bukuroshja që u fsheh gjithë

Përmendja e Diellzës nga Gjesti në Big Brother ngjall reagime – menaxheri i tij sqaroi gjithçka në “Fan Club”.

Prej disa ditësh, një video nga shtëpia e Big Brother VIP Kosova ka bërë xhiron e rrjeteve sociale, ku këngëtari pejan Gjesti shihet duke përmendur emrin “Diellza” në një moment vetmie.

Ky veprim ka ngjallur reagime të shumta, duke ndezur diskutime në media dhe në rrjetet sociale, ku shumë prej ndjekësve dhe fansave të tij kanë aluduar se vajza në fjalë është ish-e dashura e tij.

Disa thashetheme madje kanë shkuar më tej, duke pretenduar se Gjesti ka qenë i martuar me Diellzën, edhe pse këngëtari nuk është deklaruar kurrë publikisht për një lidhje kaq serioze apo martesë.

Për të sqaruar këto zëra dhe për t’i dhënë fund spekulimeve, menaxheri i Gjestit ka reaguar me një mesazh zyrtar, i dërguar në emisionin “Fan Club” që transmetohet paralelisht me BBVK.

Në mesazhin e tij, menaxheri shpreh mirënjohje për gjithë fansat që vazhdojnë të përkrahin Gjestin dhe thekson se duke qenë në qendër të vëmendjes publike, është e pritshme që emri i tij të lakohet në forma të ndryshme, shpesh edhe të pavërteta.

Ai ka hedhur poshtë kategorikisht zërat për martesë apo bashkëjetesë të Gjestit, duke sqaruar se megjithëse ai ka pasur një lidhje të gjatë me vajzën që përflitet – pra, Diellzën – marrëdhënia e tyre nuk ka qenë asnjëherë në nivelin e një angazhimi të thellë siç është martesa.

Sipas tij, ajo histori tashmë i përket së kaluarës dhe dyshja nuk kanë më kontakt me njëri-tjetrin.

Më tej, menaxheri ka adresuar edhe spekulimet që lidhen me sjelljen e Gjestit në raport me Eglin, banoren tjetër të Big Brother me të cilën ai është afruar gjatë qëndrimit në shtëpi.

Ka pasur komente se Gjesti po heziton të veprojë për shkak të ndjenjave të pazgjidhura me Diellzën, por menaxheri thotë se kjo nuk është e vërtetë.

Sipas tij, Gjestit i pëlqen të ecë me hapa të sigurt, pa nxituar dhe pa lënduar askënd, pasi është një djalë me norma dhe vlera të forta.

“Vetëm Gjesti e di çfarë ndien në zemrën e tij,” – thuhet ndër të tjera në mesazh, “por nëse lumturia e tij është Egli, atëherë unë jam i pari që e mbështes, së bashku me familjen e tij.”

Ky reagim zyrtar vjen si përpjekje për të ndalur valën e thashethemeve dhe për të mbrojtur figurën e këngëtarit në një periudhë ku çdo veprim i tij po analizohet nën lupën e publikut.

Ndërkohë, mbetet për t’u parë nëse Gjesti do të vendosë të flasë vetë për këtë çështje gjatë qëndrimit në shtëpi apo pas përfundimit të aventurës së tij në Big Brother VIP Kosova.