“Pas burgut m’u ringjall dëshira…”, Haradinaj flet për dashurinë ndaj natyrës dhe ecjen në male

Kryetari i AAK-së, Ramush Haradinaj është njëri nga politikanët e paktë që ecën çdo javë, por edhe promovon malet e Kosovës. Në lidhje me dashurinë e tij ndaj natyrës, ai ka treguar shumëçka. Kreu i AAK-së, tha se para luftës në Kosovë, ecjen e bënte nga Shqipëria për në Kosovë në mënyrë ilegale, por tregoi

Prill 1, 2025 - 16:00
 0  5
“Pas burgut m’u ringjall dëshira…”, Haradinaj flet për dashurinë ndaj natyrës dhe ecjen në male
“pas-burgut-m’u-ringjall-deshira…”,-haradinaj-flet-per-dashurine-ndaj-natyres-dhe-ecjen-ne-male

“pas-burgut-m’u-ringjall-deshira…”,-haradinaj-flet-per-dashurine-ndaj-natyres-dhe-ecjen-ne-male

Kryetari i AAK-së, Ramush Haradinaj është njëri nga politikanët e paktë që ecën çdo javë, por edhe promovon malet e Kosovës.

Në lidhje me dashurinë e tij ndaj natyrës, ai ka treguar shumëçka.

Kreu i AAK-së, tha se para luftës në Kosovë, ecjen e bënte nga Shqipëria për në Kosovë në mënyrë ilegale, por tregoi se edhe është stërvitur për këtë gjë një kohë sa ka jetuar në Zvicër.

“100 kilometra e kam pasur specialitet të vrapit”, tha ai.

Tutje, Haradinaj tha se pas luftës e bëri një pauzë, por dëshira iu kthye pas Hagës së parë, pra pas burgut.

“Para Hagës së parë, pas burgut duke qëndruar i mbyllur më është ringjall dëshira me e pa edhe një herë atë që më ka munguar”, u shpreh ai.

“Tani janë bërë 15 vjet ndoshta më shumë, që jemi të rregullt”.

Më tej, kryetari i AAK-së tha se ecjen e bën edhe për t’i promovuar mundësitë e turizmit malor.

“Të paktën 1 ditë në javë e shfrytëzojmë. Është gati si një rregull tani, e shfrytëzojmë edhe për t’i promovuar mundësitë e turizmit malor. Jemi bërë ekip e mirë, me njerëz që të japin ndjenjë të mirë kur i kalon këto bukuri bashkë”.

“Bëhet një lidhje me natyrën, me këtë përjetim. Këtu telefona nuk përdorim, e as internet. Këtu je vetëm ti dhe natyra. Nuk është sport i shtrenjtë”.

Mes tjerash, Haradinaj tregoi se kritikohet më së shumti për kohën të cilën e gjen për të bërë viking çdo javë.

“Më shumë më kritikojnë për kohën, ku po e gjen. Secili e ka një kohë që nuk është aktiv. Në vend se të qëndroj i shtrirë dhe t’i ndërroj ulëset, e shfrytëzoj me dalë në bjeshkë”, tha ai.

Poashtu, Haradinaj ka zbuluar se bashkëshortja e tij, Anita për momentin nuk është aktive në hiking, ndonëse më parë ka qenë.

“Tash e ka ndal, nuk është aktive një herë. Hana vjen, fëmija vijnë”, tha Haradinaj./Klankosova.tv.