Pse u anulua tenderi 211 mijë euro për zyrtaret femra të Policisë së Kosovës?

Policia e Kosovës ka anuluar një procedurë të ritenderit për furnizimin me rroba civile dhe këpucë për zyrtaret policore femra, me një vlerë të parashikuar prej 211,600 euro.

Sipas njoftimit zyrtar për anulimin e aktivitetit të prokurimit, në këtë procedurë është pranuar vetëm një tender.

Anulimi ka ndodhur pas hapjes së ofertave, ndërsa si arsye është theksuar se ka pasur një shkelje të Ligjit të Prokurimit Publik, e cila nuk mund të rregullohej apo parandalohej përmes ndryshimit të kushteve të tenderit.

Autoriteti kontraktues nuk ka dhënë detaje të tjera lidhur me shkeljen e konstatuar.