Renditja Globale e Fuqisë Ushtarake 2026: Shqipëria shënon progres, Maqedonia e Veriut në rënie

Sipas raportit vjetor të platformës ndërkombëtare Global Firepower për vitin 2026, Shqipëria renditet në shtetet që shënuan progres në listën botërore të fuqisë ushtarake, me indeks fuqie 1.7258. Në të njëjtin raport, Maqedonia e Veriut shënon rënie, duke u renditur me indeks 2.4956, ndërsa Bullgaria mbetet në stagnim me indeks 1.2522. Ndërkohë, Sllovakia regjistron rritje në renditje, me indeks 1.392, raporton Gazeta Flaka.

Renditja e Global Firepower bazohet në mbi 60 faktorë individualë, përfshirë numrin e njësive ushtarake, gjendjen financiare, kapacitetet logjistike dhe pozicionin gjeografik. Formula e përdorur u mundëson edhe shteteve më të vogla, por teknologjikisht të avancuara, të konkurrojnë me fuqitë më të mëdha ushtarake.

Raporti thekson se shigjetat me ngjyra që tregojnë rritje, stabilitet ose rënie nuk nënkuptojnë domosdoshmërisht dobësim të kapaciteteve, pasi ndryshimet në formulën e vlerësimit mund të ndikojnë në pozicionimin përfundimtar.

Burimi: Global Firepower – Countries Listing 2026. Gazeta Flaka

The post Renditja Globale e Fuqisë Ushtarake 2026: Shqipëria shënon progres, Maqedonia e Veriut në rënie appeared first on Flaka, në çdo lajm... .