Rruga “Robert Doll” në Prishtinë mbyllet sonte për qarkullim nga 22:30 deri në 02:00

Komuna e Prishtinës ka njoftuar se rruga “Robert Doll” do të jetë e mbyllur për qarkullim sonte, nga ora 22:30 deri në 02:00 pas mesnatës.

Në njoftim thuhet se kjo bëhet për shkak të punimeve që lidhen me zgjerimin e rrugës (pastrimi i asfaltit të dëmtuar).

“Ju lutemi për mirëkuptim dhe kujdes të shtuar në këtë zonë gjatë kësaj kohe. Bashkë për një qarkullim më të sigurt dhe një infrastrukturë më të mirë në kryeqytet”, përfundon njoftimi i komunës.