Serbia shpenzon më së shumti në rajon për armatim, Gjuriq ankohet që FSK po forcohet me dronë nga Turqia

Ministri i Punëve të Jashtme të Serbisë, Marko Gjuriq, shtetit që investon në ushtri më shumë se krejt vendet e rajonit, është ankuar në seancën e sotme të Këshillit të Sigurimit të OKB-së se Kosova po forcohet ushtarakisht.

Ai ka përmendur blerjen e dronëve kamikazë nga Turqia, dhe sipas tij këto veprime të Kosovës “vetëm e rrisin mosbesimin”.

“Rrezikon përshkallëzim të tensioneve. Sigurimi i dronëve kamikaz për FSK, rrënon besimin rajonal, është në kundërthënie me paqen që kërkon ky Këshill i Sigurimit”, ka thënë Gjuriq./Express/