Shqipja pan-ballkanike, perballe Maqedonise Veriore te vogel dhe albanofobe

Prof. Asoc. Dr. Lisen Bashkurti

Protestat e koheve te fundit ne Maqedonine e Veriut, te organizuara nga studentet shqiptar per mbrojtjen e te drejtes se gjuhes shqipe ne universitetet e ketij vendi, kane tronditur seriozisht fqinjin tone Lindor duke zgjuar nje revolte te mbare shqipfolesve.

Kur mendon qe ky vend kete vit ben 25-vjet nga konfrontimi i armatosur midis Shqiptareve dhe Maqedoneve pikerisht per lirite dhe te drejtat e mohuara te shqiptareve, mesazhi i ketyre protestave studentore shqiptare ve ne pikpyetje zbatimin e Marreveshjes Kuader te Ohrid qe ne 2001 u firmos me gjak shqiptaresh dhe maqedonesh.

Ne te njejten kohe kur mendon se shqipja eshte tanime gjuhe pan-ballkanike perballe maqedoneve dhe maqedonishtes qe jane te vegjel, shume te vegjel, mesazhi i protestave studentore shqiptare ngre peshe shqipfolesit ne Shqiperi, Kosove, Mal te Zi, Luginen e Presheves dhe ne mbare boten.

E meqenese Ballkani konsumon histori me shume sesa prodhon, protestat studentore shqiptare ne Maqedonine e Veriut na kthejne ne skutat me te erreta te Ballkanit te se kaluares, kur obskurantizmi otomano-sllavo-grek u bashkua kunder gjuhes dhe shkollave shqipe, te cilat u sulmuan barbarisht, por mbijetuan mrekullisht.

Dhe, cfare eshte me paradoksalja, Maqedonia e Veriut qe po zvarritet prej mese tre dekadash drejt Evropes rilindase, humaniste dhe iluministe perballe injorimeve dhe bojkotove te njepasneshme fqinjesore nga njera ane, dhe mbeshtetjes stoike dhe te pakushtezuar shqiptare pro Evropiane, nga ana tjeter, mesazhi i studenteve shqiptare eshte apel i fuqishem kritik per politiken albanofobe te Maqedonise se Veriut, qe lypet ti vere gishtin kokes dhe te terhiqet nga kjo megalomani donkishoteske.

E, se fundmi, nga renditja, por jo nga rendesia, protestat studentore shqiptare ne vendin tone fqinj Lindore, ne mesazhet e tyre terheqin seriozisht vemendjen per eliten politike shqiptare atje, ne dy krahet, ne qeveri dhe opozite, per te qene me te qarte, te vendosur dhe konsistent ne mbrojtjen e dinjitetit shqiptar, identiteti ekzistencial i te cilit ka ne substancen e vet gjuhen shqipe.

Shqipja pan-ballkanike, ashtu sic ka mbijetuar nder mijra vite perballe obskurantizmave te cdo lloji, do te triumfoje edhe ne kete periudhe qe eshte koha e nje Evrope humaniste dhe iluministe.