U lëndua dhe u largua para kohe, kjo është situata e Mbappes

Kylian Mbappe lëshoi para kohe fushën, në ndeshjen e mbrëmshme mes Betisit dhe Real Madridit, e cila përfundoi me barazim 1-1.

Sulmuesi francez kërkoi zëvendësim në minutën e 80-të, për shkak se kishte probleme fizike, shkruan IndeksOnline.

Sipas asaj që raportojnë mediat spanjolle, Mbappe po vuan nga një mbingarkesë në muskujt e kofshës së këmbës së majtë.

Për lëndimin e 27-vjeçarit foli edhe trajneri i Realit, Alvaro Arbeloa pas ndeshjes me Betisin.

“Nuk e di. Ai kishte disa shqetësime dhe do të shohim se si do të përparojë në ditët në vijim.”, deklaroi Arbeloa.

Në ditet në vazhdim pritet të mësohet më shumë për lëndimin e Mbappes.