“Zotnia nuk tha s’bëj marrëveshje, tha s’bëj si këta me 20% n’12:00 t’natës” / “Kjo është edhe më keq”, debat

Deklarata e kreut të VV-së, Albin Kurti, se ai nuk bën marrëveshje “siç janë bërë dikur”  ka nxitur reagime të ndryshme nga komentatorët politikë në “Adresa”, Blerim Gashi dhe Arton Demhasaj.

Gashi interpretoi deklaratën e Kurtit si kritikë ndaj praktikave të vjetra, jo si refuzim të marrëveshjeve politike në parim.

“Zotnia nuk tha ‘nuk bëj marrëveshje’. Tha ‘nuk bëj marrëveshje qysh kanë bë ata – me 20% e 30% në mesnatë, a vijnë me t’ba vëllaun ambasador në Gjermani, shoqen konsulle në Nju Jork, etj.’”

Sipas Gashit, Kurti po distancohet nga pazaret politike dhe ndarja e posteve si shpërblim.

Demhasaj e kritikoi këtë narrativë, duke thënë se lidhja e marrëveshjeve politike me postet diplomatike është e pavend dhe e paktë serioze.

“Është marre me manipulu. Ambasadorët s’kanë të bëjë me qeveri.” /Gazeta10