A e dini këtë histori të çuditshme? Realit dhe Barcelonës nuk u lejohet ta quajnë derbin e tyre ‘El Clasico’

Bota e futbollit po pret me padurim derbin spanjoll të La Ligës midis Real Madridit dhe Barcelonës, i cili nis në ora 16:15, por është interesante se këtyre dy gjigantëve u ndalohet përdorimi i termit “El Clasico” në promovimin e ndeshjes.

Termi “El Clasico” është përdorur ndër vite në mbarë botën për të përshkruar përballjen më të madhe në futbollin evropian, por klubet nuk mund ta përdorin këtë emër në materialet e tyre komerciale dhe reklamues.

Arsyeja është ligjore dhe lidhet me një vendim të La Ligës, e cila më herët këtë vit fitoi një mosmarrëveshje mbi të drejtat komerciale të orarit të ndeshjes. Çështja kryesore ishte nëse Real Madrid dhe Barcelona mund të pretendonin të drejtat ekskluzive për përdorimin e emrit të rivalitetit historik të tyre.

Gjykata vendosi se regjistrimi i termit “El Clasico” në vitin 2023 i jep La Ligës të drejta ekskluzive për kontrollin komercial të emrit, duke konfirmuar vendimin e marrë nga liga dy vite më parë. Si pasojë, asnjë nga dy klubet nuk mund ta reklamojë ose promovojë ndeshjen e tyre më të madhe duke përdorur këtë termin.

Ky vendim është vetëm një nga disa përplasje midis Barcelonës, Real Madridit dhe La Ligës gjatë viteve të fundit, duke treguar tensionin që shpesh ekziston mes shtëpisë ombrellë të futbollit spanjoll dhe dy klubeve më të mëdha të vendit.