Adnan Azizi: “Filtrimi i politikës nga krimi duhet të vazhdojë edhe në Maqedoninë e Veriut”

Pas arrestimit të kryebashkiakut të Tiranës, Erion Veliaj, deputeti i koalicionit VLEN dhe sekretari i Lëvizjes BESA, Adnan Azizi, ka reaguar përmes një postimi në Facebook. Ai e konsideron këtë një sinjal të rëndësishëm për luftën kundër korrupsionit dhe thekson se filtrimi i politikës nga elementët kriminalë duhet të vazhdojë edhe në Maqedoninë e Veriut. Ndër të tjera, Azizi në reagimin e tij ka thënë: “Shqiptarët anë e mbanë shqiptarisë, tani e kanë të qartë se ku qëndron krimi dhe ku vlerat kombëtare!”

Në vazhdim mund ta lexoni reagimin e plotë të Adnan Azizit në Facebook:

“Filtrimi dhe pastrimi i shoqërisë shqiptare nga hajdutët dhe kriminelët politik, duhet të vazhdojë edhe këtu në Maqedoninë e Veriut.

Përderisa në Kosovën e Albin Kurtit, krimi është term thuajse inegzistent, sot në Tiranë u arrestua kryebashkiaku Erion Veliaj, miku i ngushtë i Ali Ahmetit, i cili e shpërbleu atë me titullin Qytetar Nderi i Tiranës, në momentin kur Ahmeti ishte i turbulluar nga Lista e Zezë Amerikane në të cilën sapo ishin vendosur kryetari i Komunës së Strugës por edhe bashkëpunëtori kryesor i tij Artan Grubi.

Shqiptarët anë e mbanë shqiptarisë, tani e kanë të qartë se ku qëndron krimi dhe ku vlerat kombëtare.“

The post Adnan Azizi: “Filtrimi i politikës nga krimi duhet të vazhdojë edhe në Maqedoninë e Veriut” appeared first on InfoShqip.com.