Aksidentohet ish-banorja e Big Brother-it VIP Albania

Gazetarja dhe ish-banorja e Big Brother-it VIP, Ledjona Xheladinaj është aksidentuar ditën e djeshme në fshatin Melan të Dibrës me motomjet.

Mësohet se si pasojë e aksidentit, ajo ka pësuar frakturë në shtyllën kurrizore dhe ndodhet nën kujdesin e mjekëve në spitalin e Traumës.

Sipas mediave në Shqipëri gjendja shëndetësore paraqitet stabël dhe do të vijojë të qëndrojë nën monitorimin e bluzave të bardha për të parë ecurinë nëse do duhet ti nënshtrohet ndërhyrjes kirurgjikale.

Ende nuk dihen rrethanat se si ka ndodhur aksidenti, teksa nuk ka një reagim ende nga Ledjona apo familjarët e saj në rrjetet sociale.Albeu