Arbana Osmani ngjall dyshime për rikthimin në televizion, pas një postimi në Instagram

Moderatorja e njohur, Arbana Osmani, ka ndezur kuriozitetin e ndjekësve të saj me një postim të fundit në Instagram, duke lënë të kuptohet se mund të rikthehet shumë shpejt në ekran.

Ajo ka publikuar një listë me fustane të përzgjedhura nga markat më të njohura të modës, duke e shoqëruar postimin me një mbishkrim domethënës: “Back to TV means back to cute dresses” (Rikthimi në TV do të thotë rikthim te fustanet e bukura).

Ky detaj ka mjaftuar për të ngjallur spekulime nëse Arbana po përgatitet për një projekt të ri televiziv.

Reagimet nga ndjekësit nuk kanë munguar, me shumë prej tyre që janë entuziazmuar nga ideja e një rikthimi të moderatores së dashur në ekran.

Disa kanë nisur të hamendësojnë nëse bëhet fjalë për një sezon të ri të një programi të njohur, apo për një format krejtësisht të ri.

Megjithatë, Arbana nuk ka dhënë ende detaje të mëtejshme mbi planet e saj, duke lënë gjithçka të mbuluar me mister.

E njohur për stilin e saj elegant dhe energjinë që sjell në çdo projekt, pritet që në javët e ardhshme të zbulojë më shumë rreth asaj çfarë po përgatit për publikun e saj besnik.