Çmime të reja të karburanteve

Sot Komisioni Rregullator për Energjetikë do të publikojë çmimet e reja të naftës dhe benzinës. Të hënën e kaluar, Komisioni vendosi të rrisë çmimin e dizelit për 14,5 denarë, ndërsa të benzinës për 5 denarë.

Duke marrë parasysh lëvizjet e çmimeve të naftës në bursat botërore dhe kursin më të lartë të dollarit ndaj denarit, pritet që çmimet të rriten edhe më tej.

Bllokada e Ngushticës së Hormuzit dhe rritja e çmimit të naftës në mbi 100 dollarë për fuçi shënuan javën që lamë pas.

Në rast të një rritjeje drastike të çmimeve, nga qeveria kanë paralajmëruar uljen e TVSH-së nga 18% në 10%, dhe më pas edhe në 5% nëse do të jetë e nevojshme, duke ndjekur lëvizjen e çmimeve në tregjet ndërkombëtare.