“Është puna për të të nxjerrë akoma më keq” – Gjesti e përgjon Eglin teksa flet te dhoma e rrëfimit

Dyshja Egli-Gjesti vazhdojnë të jenë epiqendra e dramës në edicionin e katërt të Big Brother VIP Albania, ku marrëdhënia e tyre e ndërlikuar ka marrë një tjetër kthesë të tensionuar.

Pas disa ditësh të mbushura me tension e përplasje verbale, një debat i ri ka shpërthyer ndërmjet tyre – këtë herë, me në sfond ndjenja xhelozie.

Sipas raportimeve të Insajderi, Egli ka shprehur pakënaqësi ndaj afrimitetit që Gjesti ka treguar me banoren tjetër, Rozanda Radi, një situatë që duket se ka ndezur një reagim të fortë emocional nga ana e saj.

Por nuk mbaron me kaq. Së fundmi, një moment i pazakontë ka qarkulluar në rrjet, ku shihet Gjesti duke përgjuar Eglin teksa ajo ndodhej në dhomën e rrëfimit – një veprim që ka shtuar edhe më shumë benzinë në zjarrin e tensioneve mes tyre.

Në një nga përplasjet e tyre të fundit, Egli dëgjohet duke i thënë me ironi dhe nervozizëm Gjesti-t: “Është puna për të të nxjerr akoma më keq. Ti zotëri i nderuar që pretendon se je shumë i mirë tani”.

Kjo deklaratë tregon qartë frustrimin e saj dhe ndjenjën se po manipulohet përmes kamerave e situatave të krijuara në shtëpi.

Ndërkohë, publiku po e ndjek me vëmendje këtë dinamikë që po shpaloset mes dyshes, duke nxitur diskutime të shumta në rrjete sociale rreth natyrës së marrëdhënies së tyre dhe qëllimeve të secilit në lojë.