Fetai: Gazeta Lajm, shembull i gazetarisë që nuk dorëzohet

Zv.kryeministri Arben Fetai, ka uruar stafin e gazetës Lajm me rastin e 20 vjetorit.

“Në një realitet mediatik ku shpesh mbizotërojnë interesat, kompromiset dhe presionet politike, Gazeta Lajm ka zgjedhur të ecë në një rrugë tjetër — atë të pavarësisë, integritetit dhe misionit. Dhe në zemër të kësaj rruge qëndron një emër: Fejzi Hajdari.

Për dy dekada me radhë, ai dhe ekipi i tij kanë përballuar stuhi të njëpasnjëshme, duke u ballafaquar me përpjekje të vazhdueshme për t’u heshtur, sabotuar apo blerë. Por, Lajm asnjëherë nuk ka lëkundur busullën e vet të së vërtetës. Në një vend ku shpesh lajmi deformohet për të kënaqur të fuqishmit, “Lajm” ka zgjedhur të flasë drejt, edhe kur kjo ka patur kosto.

Qëndrueshmëria e Lajmit nuk është vetëm profesionale, por edhe morale. Është shembull i gazetarisë që nuk dorëzohet, i redaksisë që nuk shet etikën për klikime, dhe i një themeluesi që nuk u përkul as para frikës, as para ofertave.

Në 20-vjetorin e saj, kjo gazetë meriton jo vetëm urime, por edhe mirënjohje të thellë — sepse ka dëshmuar se media mund të jetë mision, jo biznes; mund të jetë zë i popullit, jo vegël e pushtetit.

Respekt për Lajmin dhe për Fejzi Hajdarin – për vizionin, për guximin, dhe për stoicizmin e rrallë me të cilin kanë mbrojtur të drejtën e qytetarëve për të ditur të vërtetën”, ka shkruar Ferai.