Gigi Hadid rrezaton elegancë në fushatën e re të Miu Miu

Modelja 29-vjeçare Gigi Hadid shkëlqen në fushatën më të re të Miu Miu për koleksionin Pranverë/Verë 2025.

E fotografuar nga Steven Meisel, imazhet e saj janë përpunuar në mënyrë dixhitale për t’u shndërruar në një pikturë klasike portreti, duke ndërthurur artin me fotografinë.

Në një nga pozat mahnitëse, Gigi shfaqet me një bluzë të gjelbër dhe një fund lëkure kafe, duke mbajtur një çantë të madhe Miu Miu, shkruan DailyMail.

Në një tjetër pamje, ajo rrëshqet në një fustan jeshil e të bardhë, me një version më të vogël të çantës së markës, ndërsa qëndron ulur në një karrige.

Ndërkohë, Forbes e rendit atë si modelen e dytë më të paguar për vitin 2025, pas Kendall Jenner.

Sa i përket jetës personale, Gigi ka folur për herë të parë për lidhjen e saj me aktorin Bradley Cooper, duke e përshkruar si një marrëdhënie “të lumtur dhe romantike”.

Ajo tha për Vogue se aktori e ka ndihmuar të shijojë një “përvojë normale takimesh”, ndërsa kalojnë kohë së bashku në aktivitete të thjeshta si netët në kinema.

“Është e rëndësishme të dish çfarë dëshiron dhe meriton në një marrëdhënie”, u shpreh ajo, duke nënkuptuar se kjo lidhje ka ardhur në kohën e duhur për të dy.