Hati në telashe, i sekuestrohet BMW-ja luksoze ngjyrë rozë në mes të Tiranës! Influencierja rrethohet nga policët

Mesa duket telashet nuk kanë të sosur për Hatixhe Brikën, e njohur si Hati. Pas polemikave për fotot e krijuara me inteligjencë artificiale, çështja e saj u përfshi deri në ambientet e Komisariatit dhe duket se influencerja nuk po gjen qetësi.

Sot, ajo është ndaluar nga policia e Tiranës në zonën e Medresesë. Sipas informacioneve paraprake, efektivët i kanë sekuestruar automjetin e saj luksoz, një BMW në ngjyrë rozë, që është bërë një nga simbolet e saj në rrjetet sociale.

Deri tani nuk ka një konfirmim zyrtar mbi arsyet e sekuestrimit. Ende mbetet e paqartë nëse bëhet fjalë për dokumentacion të automjetit, shkelje të rregullave të qarkullimit apo një çështje tjetër ligjore.

Autoritetet pritet të japin më shumë detaje në orët në vijim për të sqaruar situatën.

The post Hati në telashe, i sekuestrohet BMW-ja luksoze ngjyrë rozë në mes të Tiranës! Influencierja rrethohet nga policët appeared first on InfoShqip.com.