Hiqen bllokadat, rikthehet transporti ndërkufitar i mallrave

Pas katër ditësh ndërprerje, transporti ndërkufitar i mallrave po rikthehet gradualisht në normalitet, pasi operatorët e transportit nga Maqedonia e Veriut kanë vendosur të heqin bllokadat.

Vendimi u mor gjatë një takimi të Shtabit të Krizave të shoqatës MAKAM-Trans, pas njoftimit të Komisionit Evropian se strategjia e re e vizave pritet të zgjidhë problemin e shoferëve profesionistë që qëndrojnë në zonën Shengen.

Sipas njoftimit, ministrat e transportit nga vendet e Ballkanit Perëndimor do të zhvillojnë të martën një takim me përfaqësuesit e Komisionit Evropian, me qëllim gjetjen e një zgjidhjeje afatgjatë për këtë çështje.

Bllokadat u iniciuan si reagim ndaj sistemit të ri të kontrollit të hyrjeve dhe daljeve në Bashkimin Evropian, për të cilin operatorët e transportit kanë paralajmëruar se po shkakton humbje të mëdha ekonomike dhe raste deportimi të shoferëve profesionistë.

Autoritetet shpresojnë se heqja e bllokadave do të lehtësojë qarkullimin e mallrave dhe do të normalizojë zinxhirët e furnizimit në rajon.

Flaka

The post Hiqen bllokadat, rikthehet transporti ndërkufitar i mallrave appeared first on Flaka, në çdo lajm... .