Irani: Kërkojmë përfundimin e plotë të luftës në të gjithë rajonin

Zëvendësministri i Jashtëm i Iran thotë se Teherani refuzon çdo armëpushim të përkohshëm dhe kërkon përfundimin e plotë të luftës në të gjithë rajonin.

Duke folur për gazetarët në margjinat e Forumit të Diplomacisë në Antalya, Saeed Khatibzadeh deklaroi se çdo armëpushim duhet të përfshijë të gjitha zonat e konfliktit “nga Libani deri në Detin e Kuq”, duke e përshkruar këtë si një “vijë të kuqe” për Iranin.

“Ne nuk pranojmë asnjë armëpushim të përkohshëm,” tha ai, duke shtuar se cikli i konfliktit “duhet të përfundojë këtu njëherë e përgjithmonë”.

Sa i përket Ngushticës së Hormuzit, ai tha se kjo rrugë ujore historikisht ka mbetur e hapur, duke theksuar se ndodhet brenda ujërave territoriale të Iranit, por ka qenë për një kohë të gjatë e aksesueshme.

Ai akuzoi SHBA-në dhe Izraelin për nxitjen e paqëndrueshmërisë në rajon, duke thënë se veprimet e tyre kanë ndikuar negativisht në tregtinë globale dhe ekonominë më të gjerë.