Skandal doganor: 19 të dyshuar për kontrabandë cigaresh, 250 milionë denarë dëm buxhetit!

Prokuroria ka nisur hetim ndaj 19 personave fizikë dhe katër personave juridikë, të dyshuar për kontrabandë të sasive të mëdha të cigareve gjatë vitit 2024.

Sipas hetimit, cigaret futeshin dhe transportoheshin ilegalisht në vend, duke shmangur pagesën e doganave, tatimeve dhe akcizave. Në rast përfshihen shoferë, persona përgjegjës në kompani, si dhe zyrtarë doganorë dhe të tjerë.

Dyshohet se disa zyrtarë kanë lejuar kalimin e automjeteve pa kontroll, kanë futur të dhëna të rreme në sistemet elektronike dhe kanë manipuluar dokumentacionin doganor.

Dëmi i vlerësuar për Buxhetin e shtetit arrin në 250.149.784 denarë.

Prokuroria ka kërkuar paraburgim për pesë të dyshuar, arrest shtëpiak për një tjetër dhe masa kujdesi për pjesën tjetër. Pesë të dyshuar, tre prej tyre shtetas të huaj, aktualisht janë të paarritshëm për organet e drejtësisë.

Burimi i lajmit: lajmpress.org
Shënim: Ky material është përpunuar për qëllime informimi nga Portali lajme.mk.