Ishte liruar për fundjavë, i burgosuri nga Kumanova vodhi 550 tabletë dhe telefona

MPB njofton se më 28.06.2025 në Kumanovë, oficerët policorë të Sektorit për Punë të Brendshme në Kumanovë, kanë privuar nga liria personin M.F. (37) nga Kumanova për shkak të ekzistencës së bazave të dyshimit për kryerjen e dy veprave penale: “vjedhje e rëndë” dhe “prodhim dhe shpërndarje e paligjshme e drogave narkotike, substancave psikotrope dhe prekursorëve”.

“Më pas u konstatua se M.F. është i dënuar nga Institucioni Korrektues i Idrizovës, i cili është liruar për pushim fundjave. Gjatë kontrollit, tek ai janë gjetur dhe sekuestruar 551 tableta, telefona celularë dhe sende të tjera që janë objekt i veprave penale “vjedhje e rëndë” dhe “prodhim dhe shpërndarje e paligjshme e drogave narkotike, substancave psikotrope dhe prekursorëve””.

“Pas dokumentimit të plotë të rastit, do të pasojë raport përkatës, ndërsa M.F. është dërguar në Institucionin Korrektues”.